Ushtria amerikane ka kumtuar sot se ka ndërmarrë sulme ajrore kundër një shtëpie në Falluxha të Irakut. Armata e Shteteve të Bashkuara dhe zyra e kryeministrit të përkohshëm të Irakut, Iyad Allawi kanë thënë se zoti Allawi ka lejuar ndërmarrjen e këtij sulmi. Zëdhënësi ushtarak amerikan, Erv Lessel ka thënë se caqe të sulmeve ishin pozicionet luftarake të terroristëve". Banorë lokalë dhe punëtorë të spitalit kanë thënë se nga sulmi janë vrarë së paku 11 persona, përfshirë këtu gra dhe fëmijë.
