Kryeministri serb Vojisllav Koshtunica tha se qeveria e tij do bashkëpunojë me gjykatën e Hagës, por në mënyrë të tillë që të mos rrezikojë qëndrueshmërinë e vendit. Deklaratat e Koshtunicës ishin në përgjigje të kërkesave të Gjykatës Ndërkombëtare për ish-Jugosllvinë për arrestimin dhe dorëzimin e 15 të akuzuarve për krime lufte. Koshtunica ka shtuar se arrestimi i disa prej 15 të kërkuarve do mund të ndikonte në stabilitetin e Serbisë. Koshtunica duhet të raportojë këtë muaj para Këshillit të Sigurimit për bashkëpunimin me Hagën.
Përdorimi i përmbajtjes sonë
⚠️ Përmbajtja e ueb-faqes dhe/apo platformave të tjera digjitale të Radios Evropa e Lirë mbrohet nga ligjet amerikane dhe ndërkombëtare për të drejtën e autorit.
Mirëpresim ripërdorimin, ripublikimin dhe rishpërndarjen e përmbajtjes sonë, të publikuar në platformat tona digjitale, me kusht që të na citoni drejt si "Radio Evropa e Lirë", bashkë me linkun që çon te përmbajtja jonë origjinale.
