Kombet e Bashkuara duhet të ofrojnë mbrojtje më të mirë për 25 milionë civilë të zhvendosur nga konfliktet prej Sudanit e deri në Kolumbi, thuhet në një raport të publikuar sot nga Organizata botërore dhe nga Instituti Brukings. Në raport mëtutje shkruan se Këshilli i Sigurimit duhet tu japë paqeruajtësve të Kombeve të Bashkuara mandat të qartë dhe të fuqishëm për ti mbrojtur ata që largohen nga luftimet, pjesa më e madhe e të cilëve janë gra e fëmijë, e që në shumë raste u nënshtrohen dhunimeve.
