Përfaqësuesi i lartë i Bashkimit Evropian për politikë të jashtme dhe siguri, Javier Solana kumtoi sot se i mbështet sanksionet që u ndërmorën kundër policisë serbe të Bosnjës dhe zyrtarëve për dyshime se u kanë dhënë ndihmë të akuzuarve për krime lufte që ti shmangen drejtësisë. Në këtë kumtesë mëtutje thuhet se vendimi i djeshëm i përfaqësuesit special të Bashkimit Evropian për Bosnjë Hercegovinë, Paddy Ashdown, është një hap i rëndësishëm kah largimi i elementeve që pengojnë bashkëpunimin me Tribunalin e Hagës. Zoti Ashdown dje nga postet largoi gjashtë policë serbë dhe tre zyrtarë, që dyshohet se kanë ndihmuar të akuzuarit për krime të luftës që ti shmangen Tribunalit të Hagës.
Përdorimi i përmbajtjes sonë
⚠️ Përmbajtja e ueb-faqes dhe/apo platformave të tjera digjitale të Radios Evropa e Lirë mbrohet nga ligjet amerikane dhe ndërkombëtare për të drejtën e autorit.
Mirëpresim ripërdorimin, ripublikimin dhe rishpërndarjen e përmbajtjes sonë, të publikuar në platformat tona digjitale, me kusht që të na citoni drejt si "Radio Evropa e Lirë", bashkë me linkun që çon te përmbajtja jonë origjinale.
