Në vendet përreth Oqeanit indian sot kanë vazhduar përpjekjet për kërkim shpëtim të personave që konsiderohen të zhdukur pas tërmetit masiv dhe valët shkatërruese detare që vlerësohet se kanë shkaktuar vdekjen e më se 24 mijë njerëzve në Azinë Jugore. Zyrtarët thonë se mijëra njerëz ende konsiderohen të zhdukur ndërsa miliona të tjerë kanë mbetur pa kulm mbi kokë. Ky tërmet ka goditur Sri Lankën, ishullin Sumatra të Indonezisë, Tajlandën , Indinë. Zyrtarë kanë thënë se Bashkësia ndërkombëtare tashmë ka filluar dërgimin e ndihmave për të mbijetuarit e këtij tërmeti. Shtetet e Bashkuara mbrëmë vonë kanë premtuar afro 15 milionë dollarë ndihmë të menjëhershme për vendet që janë goditur më se tepërmi nga tërmeti dhe vërshimet e shkaktuara nga ai.
Përdorimi i përmbajtjes sonë
⚠️ Përmbajtja e ueb-faqes dhe/apo platformave të tjera digjitale të Radios Evropa e Lirë mbrohet nga ligjet amerikane dhe ndërkombëtare për të drejtën e autorit.
Mirëpresim ripërdorimin, ripublikimin dhe rishpërndarjen e përmbajtjes sonë, të publikuar në platformat tona digjitale, me kusht që të na citoni drejt si "Radio Evropa e Lirë", bashkë me linkun që çon te përmbajtja jonë origjinale.
