Irani thotë se një ekip i inspektorëve bërthamorë arriti sot në Iran, një ditë pasi rapotret e Kombeve të Bashkuara njoftuan gjetjen e uraniumit të pasuruar në disa mostra. Khalil Musavi, zëdhënës i Organizatës Iraniane për Energji Atomike, tha se inspektorët po kryejnë një vizitë "rutinore dhe të planifikuar" të objekteve bërthamore iraniane. Zëdhënësi i ministrisë iraniane të punëve të jashtme tha sot se vetëm Agjencia NDërkombëtare për Energji Atomike është kompetente të komentojë këtë çështje.
