Një gjykatë belge ka dënuar mëse 20 persona, shqiptarë dhe turq, të cilët udhëhiqeshin nga 35 vjeçari shqiptar, Mhill Sokoli, për përfitime të paligjshme të disa milionave euro nga kontrabandimi i njerëzve. Gjykata u ka dhënë dënimin prej 3 deri në 8 vjet burgim. Gjykata e Dendermundit, ka thënë se të akuzuarit kanë transferuar ilegalisht mbi 10 mijë njerëz, nga vendet e Evropës Lindore për në Angli gjatë viteve 2001-2002, duke u marrë atyre prej 400 deri në 3 mijë Euro për person.
