Presidenti i Maqedonisë, Boris Trajkovski ka deklaruar se vendi i tij deri në fund të vitit duhet ta paraqesë kandidaturën për anëtarësim në Bashkimin Evropian. Kryesimin e radhës në BE nga Italia e shohim në favorin tonë, prandaj duhet aplikuar deri në fund të këtij viti, ka thënë Trajkovski. Ai njëkohësisht ka tërhequr vërejtjen se "mungesa eventuale e perspektivës evropiane mund t'i zhgënjejë ose pasivizojë forcat reformuese në vend dhe ta zvogëlojë entuziazmin e qytetarëve, 90 përqind e të cilëve janë për anëtarësim në Bashkimin Evropian."
