Rrahman Paçarizi, Prishtinë
Policia ndërkombëtare ka formuar një ekip të veçantë hetuesish nga qendra për krime serioze në Prishtinë, për të hetuar sulmin e armatosur kundër tre pjesëtarëve të Shërbimit Policor të Kosovës dje në afëri të fshatit Isniq, me ç’rast u vra policja Sebahate Tolaj dhe u plagosën policët Izet Lataj dhe Isuf Haklaj, i cili është ende në rrezik vdekjeje. Këtë e ka bërë të ditur zëvendëskomisioneri i policisë së UNMIK-ut për hetimin e krimeve, Robert Padlow, sipas të cilit deri më tash dihet se kundër policëve kosovarë është qëlluar nga dy vetura, një mercedes ngjyrë gri dhe një audi e bardhë, e cila është gjetur e braktisur më pas.
Zoti Padlow tha se kundër veturës që ngiste tashmë e ndjera Tolaj është qëlluar nga mercedesi që kishte një gjysmë tabele regjistrimi 329 KS, ndërsa më pas, një apo më shumë persona nga kjo veturë kanë kaluar në veturën tjetër e cila është kthyer në drejtim të Deçanit, ndërsa mercedesi ka vazhduar rrugën drejt Pejës:
"Mund të them se vetura e tipit Audi 80 është gjetur e braktisur dy kilometra në afërsi të Klinës, në një zonë malore në rrugën Pejë-Prishtinë," tha zoti Padlow, duke bërë të ditur se disa dëshmitarë tashmë i janë drejtuar policisë me informacione, por ka kërkuar ndihmën edhe të dëshmitarëve të tjerë.
Ndërkaq, komisioneri i policisë në Kosovë, Stefen Voeller tha se policia nuk do ta lërë këtë krim të pazbuluar, pasi edhe ai vetë i kishte premtuar babait të polices së vrarë se do të bënte gjithë çfarë është e mundur për të gjetur vrasësit e vajzës së saj:
"Kosova nuk mund të lejojë që të vriten ata policë që ofrojnë siguri në pajtim me detyrën që kanë," tha komisioneri Stefen Voeller, duke kërkuar ndihmën e dëshmitarëve. Sidoqoftë, komsioneri Voeller, edhe pse pranoi se shifrat e vrasjeve në rajonin e Pejës janë shumë më të larta, sesa në rajonet e tjera të Kosovës, nuk u pajtua se policia nuk po punon për zbulimin e krimeve:
"Sa më të sukesshëm që po jemi, ne po bëhemi më të dhimbshëm, prandaj edhe rreziku mund të jetë shtuar," tha zoti Voeller, duke shtuar se ky është një rrezik që policia e pranon, përndryshe nuk e ka kryer detyrën e saj.
Ndërkaq, shefi i Shërbimit Policor të Kosovës, koloneli Sheremet Ahmeti tha se kur qëllohet policia qëllohet Kosova dhe siguria e saj:
"Pa dyshim se të shtënat mbi policinë janë të shtëna mbi Kosovën, mbi popullin e Kosovës, sepse kushdo që qëllon mbi uniformën e SHPK-së ai qëllon mbi sigurinë e saj, mbi ata që ju ofrojnë siguri vazhdimisht, natë e ditë dhe nuk kursejnë as jetën e tyre, e bëjnë ata që nuk e duan Kosovën e qetë dhe nuk duan që Kosova të shkojë përpara,"
Sidoqoftë, zyrtarët e policisë nuk bënë të ditur se ishte arrestuar ndonjë i dyshuar lidhur me këtë vrasje, ndërkohë që policja Sebahate Tolaj është e katërta në mesin e pjesëtarëve të Shërbimit Policor të Kosovës që është vrarë, duke kryer detyrën ose në lidhje me detyrën policore.
Policia ndërkombëtare ka formuar një ekip të veçantë hetuesish nga qendra për krime serioze në Prishtinë, për të hetuar sulmin e armatosur kundër tre pjesëtarëve të Shërbimit Policor të Kosovës dje në afëri të fshatit Isniq, me ç’rast u vra policja Sebahate Tolaj dhe u plagosën policët Izet Lataj dhe Isuf Haklaj, i cili është ende në rrezik vdekjeje. Këtë e ka bërë të ditur zëvendëskomisioneri i policisë së UNMIK-ut për hetimin e krimeve, Robert Padlow, sipas të cilit deri më tash dihet se kundër policëve kosovarë është qëlluar nga dy vetura, një mercedes ngjyrë gri dhe një audi e bardhë, e cila është gjetur e braktisur më pas.
Zoti Padlow tha se kundër veturës që ngiste tashmë e ndjera Tolaj është qëlluar nga mercedesi që kishte një gjysmë tabele regjistrimi 329 KS, ndërsa më pas, një apo më shumë persona nga kjo veturë kanë kaluar në veturën tjetër e cila është kthyer në drejtim të Deçanit, ndërsa mercedesi ka vazhduar rrugën drejt Pejës:
"Mund të them se vetura e tipit Audi 80 është gjetur e braktisur dy kilometra në afërsi të Klinës, në një zonë malore në rrugën Pejë-Prishtinë," tha zoti Padlow, duke bërë të ditur se disa dëshmitarë tashmë i janë drejtuar policisë me informacione, por ka kërkuar ndihmën edhe të dëshmitarëve të tjerë.
Ndërkaq, komisioneri i policisë në Kosovë, Stefen Voeller tha se policia nuk do ta lërë këtë krim të pazbuluar, pasi edhe ai vetë i kishte premtuar babait të polices së vrarë se do të bënte gjithë çfarë është e mundur për të gjetur vrasësit e vajzës së saj:
"Kosova nuk mund të lejojë që të vriten ata policë që ofrojnë siguri në pajtim me detyrën që kanë," tha komisioneri Stefen Voeller, duke kërkuar ndihmën e dëshmitarëve. Sidoqoftë, komsioneri Voeller, edhe pse pranoi se shifrat e vrasjeve në rajonin e Pejës janë shumë më të larta, sesa në rajonet e tjera të Kosovës, nuk u pajtua se policia nuk po punon për zbulimin e krimeve:
"Sa më të sukesshëm që po jemi, ne po bëhemi më të dhimbshëm, prandaj edhe rreziku mund të jetë shtuar," tha zoti Voeller, duke shtuar se ky është një rrezik që policia e pranon, përndryshe nuk e ka kryer detyrën e saj.
Ndërkaq, shefi i Shërbimit Policor të Kosovës, koloneli Sheremet Ahmeti tha se kur qëllohet policia qëllohet Kosova dhe siguria e saj:
"Pa dyshim se të shtënat mbi policinë janë të shtëna mbi Kosovën, mbi popullin e Kosovës, sepse kushdo që qëllon mbi uniformën e SHPK-së ai qëllon mbi sigurinë e saj, mbi ata që ju ofrojnë siguri vazhdimisht, natë e ditë dhe nuk kursejnë as jetën e tyre, e bëjnë ata që nuk e duan Kosovën e qetë dhe nuk duan që Kosova të shkojë përpara,"
Sidoqoftë, zyrtarët e policisë nuk bënë të ditur se ishte arrestuar ndonjë i dyshuar lidhur me këtë vrasje, ndërkohë që policja Sebahate Tolaj është e katërta në mesin e pjesëtarëve të Shërbimit Policor të Kosovës që është vrarë, duke kryer detyrën ose në lidhje me detyrën policore.