Shumë liderë botëror kanë dënuar sulmin e djeshëm në Jesentuki të Rusisë. "Shtetet e Bashkuara fuqishëm e dënojnë këtë akt terrorist dhe të gjitha aktet e tjera të terrorizmit" – ka thënë zëdhënësi i Shtëpisë së Bardhë, Scott McClellan. Sekretari i përgjithshëm i Kombeve të Bashkuara, Kofi Annan ka shprehur shqetësime të thella për këtë "sulm të egër". Presidenti i Komisionit Evropian, Romano Prodi ka thënë se Rusët nuk duhet të lejojnë që sulmi i djeshëm në trenin e udhëtarëve të ndikoj tek ata që të mos dalin në zgjedhjet e nesërme.
