Kryetari i Kosovës, Ibrahim Rugova ka përgëzuar sot presidentin amerikan, George Bush me rastin e arrestimit të ish liderit të Irakut, Saddam Hussein. Në një letër dërguar presidentit amerikan, thuhet se "kjo është një ngjarje me rëndësi për popullin e Irakut dhe për Shtetet e Bashkuara, që kanë rol udhëheqës për paqe dhe liri të kombeve në botë". Ndërkaq, kryetari i Aleancës për Ardhmërinë e Kosovës, Ramush Haradinaj, në një letër dërguar shefes së zyrës amerikane në Prishtinë, Marcie Ries, me rastin e arrestimit të Sadam Huseinit, ka thënë, pos tjerash, se "forcat e koalicionit dëshmuan se janë të vendosura që misionin e tyre ta çojnë deri në suksesin e duhur".
Përdorimi i përmbajtjes sonë
⚠️ Përmbajtja e ueb-faqes dhe/apo platformave të tjera digjitale të Radios Evropa e Lirë mbrohet nga ligjet amerikane dhe ndërkombëtare për të drejtën e autorit.
Mirëpresim ripërdorimin, ripublikimin dhe rishpërndarjen e përmbajtjes sonë, të publikuar në platformat tona digjitale, me kusht që të na citoni drejt si "Radio Evropa e Lirë", bashkë me linkun që çon te përmbajtja jonë origjinale.
