Korea e Jugut pranoi sot propozimin e Koresë së Veriut për të zhvilluar takimet dypalëshe në një rezidence malore në bregdetin lindor të Koresë së Veriut. Bisedimet ndërministrore ishin planifikuar fillimisht që të mbaheshin në kryeqytetin e Koresë Veriore, por u shtynë si rrjedhojë e insistimit të Koresë së Veriut për ndryshimin e vendit të bisedimeve, për arsye që ende mbeten të paqarta për Seulin.
