Qendra për Koordinimin e Aksionit kundër Minave, në kuadër të Kombeve të Bashkuara, kumtoi sot se misioni i saj do të përfundojë në mesin e muajit dhjetor, periudhë kjo kur Kosova do të jetë e pastruar nga këto mjete shpërthyese. Shefi i njësisë, Xhon Fllanagan, e krahasoi gjendjen në Kosovë, me atë ekzistuese në cdo vend tjetër europian që ende vazhdon të pastrojë mbetjet e luftës së Dytë Botërore. Flanagan tha gjithashtu se kjo detyrë do t’i kalojë, në terma afat-gjatë, Trupave Mbrojtëse të Kosovës.
