Rusia do të pakësojë numrin e ushtarëve të cilët marrin pjesë në misionin paqeruajtës të KFOR-it në Kosovë – ka kumtuar ministri rus i Mbrojtjes, në konferencën një ditëshe mes shefave ushtarakë të NATO-s dhe Rusisë. “Vendimi ynë për të zvogëluar kontigjentin tonë nuk vjen si pasojë e mungesës së besimit tek NATO-ja, por si rezultat i bindjes se tani është koha për policinë dhe jo për veprimet ushtarake – deklaroi Sergei Ivanov. Sekretari i Përgjithshëm i Aleancës së Atlantiku Verior, lordi George Robertson, tha se sidoqoftë, NATO-ja nuk ka në plan të reduktojë numrin e trupave të veta në Kosovë.
