Presidenti i Shqipërisë, Rexhep Meidani, dekretoi sot Pandeli Majkon si Kryeministër të vendit - i ka konfirmuar korrespondentit tonë në Tiranë, një zyrtar i presidencës, Mentor Nazarko. Pas 2 orë bisedimesh në zyrën e kreut të Partisë Socialiste, Fatos Nano dhe Pandeli Majko ranë dakord për strukturën e ekzekutivit të ri dhe më pas u drejtuan të dy për në presidencë.
