Bashkimi Europian nuk ka gjasa të dërgojë së shpejti në Maqedoni, forcën e vet për reagim ndaj krizave,- kanë konkluduar ministrat e jashtëm të BE-së. Siç u tha në takimin e Spanjës, në Maqedoni nuk janë krijuar ende kushtet e nevojshme për një hap të tillë. Gjatë paradites, një rol ushtarak ekskluziv të Unionit Europian në Maqedoni, e pati kundërshtuar ministri i jashtëm i Finlandës, duke thënë se transferimi i mandatit nga NATO-ja tek një forcë për reagim të shpejtë të Bashkimit Europian, nuk do të sillte asnjë vlerë të re.
