Një polic i UNMIK-ut u plagos kur u qëllua me armë zjarri nga protestues serbë në Mitrovicë, të cilët sulmuan me gurë edhe ushtarë të forcës paqeruajtëse të udhëhequr nga NATO si dhe vetura të policisë, njoftuan zëdhënësit e UNMIK-ut. Turma protestoi pasi policia e UNMIK-ut, me urdhërin e gjyqtarit ndërkombëtar, arrestoi dy serbë të dyshuar për vrasjen e një shqiptari më 3 shkurt të vitit 2000.