Këshilli i Sigurimit i Kombeve të Bashkuara ka miratuar një rezolutë përmes së cilës afirmon për të parën herë vizionin për një shtet palestinez dhe bën thirrje për ndalimin e menjëhershëm të dhunës. Rezoluta është aprovuar me 14 vota pro, ndërsa ka abstenuar vetëm Siria, pasi siç tha ambasadori i saj në Kombet e Bashkuara, përmbajtja është shumë e dobët dhe nuk i referohet asaj që ai e quajti “çështje e pushtimit izraelit”. Teksti është përshëndetur nga i dërguari palestinez në cilësinë e vezhguesit dhe ambasadori izraelit në Kombet e Bashkuara.
