Presidenti i Shteteve të Bashkuara, George Bush, ka nxitur sot Kongresin të shpejtojë miratimin e legjislacionit që parasheh ngritjen e Departamentit për Sigurinë e Atdheut. Presidenti Bush tha se dëshiron që kabineti i ri të fillojë të jetë operacional më 1 janar, ndërsa theksoi se ‘Prioritet numër një i kësaj qeverie dhe qeverive të ardhshme do të jetë mbrojtja e popullit amerikan ndaj sulmeve terroriste dhe pikërisht për këtë arsye unë besoj se është me mjaft rëndësi që ne të krijojmë departamentin e sigurisë së Atdheut që do ta përgatisë Amerikën për detyrën e përhershme të mbrojtjes së vendit’.
Puna për aprovimin e legjislacionit është shtyrë disa herë për shkak të debatit mes Shtëpisë së Bardhë dhe disa anëtarëve të Kongresit, rreth strukturës dhe rregullave të punës.
Puna për aprovimin e legjislacionit është shtyrë disa herë për shkak të debatit mes Shtëpisë së Bardhë dhe disa anëtarëve të Kongresit, rreth strukturës dhe rregullave të punës.
