Dick Cheney viziton Izraelin

Nënpresidenti i Shteteve të Bashkuara, Dik Cheney mbërriti në Izrael për të promovuar bisedimet paqësore për Lindjen e Mesme.

Ai tha se Shtetet e Bashkuara nuk do t'i bëjnë presion Izraelit që të ndërmarrë hapa, të cilat do ta kërcënonin sigurinë e vendit.

Më herët në Riad, Cheney dhe Mbreti Abdullah i Arabisë Saudite, biseduan për çmimet globale të energjisë. Bashkëpunëtorët e Cheney-t thanë se bisedimet kanë qenë produktive.

Nënpresidenti Dick Cheney do të vizitojë edhe Bregun Perëndimor përpara se ta përfundojë turneun e tij rajonal me vizitën në Turqi.