Turqia planifikon centrale bërthamore

Turqia ka kërkuar oferta për konstruktimin e centralit të saj të parë bërthamor.

Centrali me kapacitet prej 4 mijë megavatësh do të ndërtohet në bregdet, afër portit Mersin.

Kundërshtarët e këtij projekti kanë paraqitur shqetësime për sigurinë e këtij objekti, duke thënë se territori i propozuar është afër zonës së rrezikshmërisë sizmike.

Turqia thotë se planifikon ndërtimin e tri centraleve bërthamore me qëllim të parandalimit të problemeve me furnizim me rrymë dhe reduktimin e varshmërisë nga furnizimi i jashtëm.