Bellorusi: Arrestohen 80 protestues

Ministri i Brendshëm i Bellorusisë Vladimir Naumov tha se rreth 80 njerëz janë arrestuar për pjesëmarrje në demonstratën e opozitës në Minsk, e cila u shpërnda nga policia.

Naumov i tha agjencisë Interfax se arrestimet janë kryer për shkak të "mosbindjes së vazhdueshme" dhe "rezistencës aktive" ndaj policisë dhe autoriteteve të rendit.

Mbështetësit e opozitës thanë se besojnë se janë arrestuar 100 apo më shumë protestues.

Demonstruesit valëvitën flamuj të opozitës dhe të Bashkimit Evropian gjatë protestës, e cila duhej të shënojë pavarësinë e Bellorusisë, të shpallur në vitin 1918.