Shfaqet ambasadori i rrëmbyer pakistanez

Ambasadori i Pakistanit në Afganistan, i cili u zhduk në muajin shkurt, është paraqitur në një video në televizionin Al Arabiya, duke thënë se po mbahet nga talebanët.

Tariq Azizuddin u shfaq në video-incizim i rrethuar nga militantë të armatosur.

Vërejtjet e tij, në të cilat tha se po vuante nga probleme shëndetësore, u përkthyen në arabishte nga televizioni Al Arabiya.

Ambasadori u zhduk në kohën kur po udhëtonte drejt kryeqytetit afgan Kabul nga qyteti veriperëndimor pakistanez, Peshawar.