Përfaqësuesit e Partisë Radikale të Serbisë dhe ata të Partisë Demokratike të Serbisë kanë njoftuar se kanë arritur marrëveshje për krijimin e një koalicioni qeverisës për pushtetin lokal në Mitrovicë.
Hollësitë e kësaj marrëveshjeje ende nuk janë sqaruar, përveç faktit se "kryetar i Komunës së Mitrovicës" do të jetë një anëtar i Partisë Radikale të Serbisë.
Kështu ka njoftuar përfaqësuesi për Kosovën i Partisë Demokratike të Serbisë, Zoran Saviq, i cili ka thënë se në formimin e qeverive komunale do të përshijnë edhe Partinë Socialiste të Serbisë.
Marrëveshja e sotme është rezultat i zgjedhjeve lokale që Serbia i ka mbajtur më 11 maj në Kosovë, e të cilat për autoritetet ndërkombëtare dhe vendore konsiderohen si të paligjshme dhe në kundërshtim me Rezolutën 1244 të Këshillit të Sigurimit.
