Spanjë: Operacion kundër ETA-s

Forcat e rendit në Spanjë filluan operacionin kundër ETA-s, në pjesën veriore të vendit.

Shtatë persona raportohet se janë arrestuar dhe njëri nga grupet separatiste është çarmatosur. Sipas mediave të Spanjës, aksioni po vazhdon ende.

ETA konsiderohet grup terrorist nga Bashkimi Evropian dhe Shtetet e Bashkuara. Ajo fajësohet për 823 vdekje në 40 vitet e fushatës për pavarësinë baske.