I akuzuari i ICC-së ofron paqe për Darfurin

Presidenti i Sudanit Omar Hassan al Bashir zhvilloi vizitën e parë në Darfur, që kur Gjykata Ndërkombëtare për Krime (ICC) ka ngritur padi ndaj tij për gjenocid.

Al Bashir vallëzoi para përkrahësve të tij në kryeqytetin rajonal el Fasher dhe tha se po punon për të vendosur paqen në Darfur.

Prokurorët e Gjykatës Ndërkombëtare gjatë këtij muaji thanë se al Bashir mban përgjegjësi kriminale për krimet e kryera nga milicia arabe nomade kundër farmerëve afrikanë në krahinën perëndimore të Sudanit.