Sarkozy nuk do të takojë Dalai Lama-n

Presidenti i Francës Nicolas Sarkozy, nuk do të takohet me liderin shpirtëror të Tibetit Dalai Lama, i cili do të vizitojë Francën, javën e ardhshme.

Kabineti i Sarkozy-s tha sot se Dalai Lama nuk ka kërkuar takim me presidentin francez.

Sarkozy ka qenë nën presion të zyrtarëve kinezë për të mos u takuar me liderin tibetian, por vendimi i tij me siguri do të zemërojë mbrojtësit e të drejtave të njeriut.

Në një fjalim sot, Sarkozy lëvdoi "miqësinë e madhe" ndërmjet Parisit dhe Pekinit.