Bagdad: Vriten 18 persona

Policia thotë se nga shpërthimi i dy bombave në Bagdad kanë vdekur së paku 18 persona dhe plagosur më shumë se 20 të tjerë.

Sulmi i parë ndodhi kur një femër vetëvrasëse shpërtheu afër pikës së kontrollit në Zonën e Gjelbër në Bagdad, duke vrarë së paku 5 persona dhe plagosur dhjetëra të tjerë.

11 persona tjerë u vranë, pasi një bombë e vendosur afër rrugës shpërtheu në kohën kur po kalonte një autobus që transportonte punëtorë të Ministrisë së Tregtisë.