Ushtarët amerikanë gabimisht vranë 6 policë afganë

Ushtria e Shteteve të Bashkuara ka njoftuar se pjesëtarët e saj gabimisht kanë vrarë 6 policë të Afganistanit dhe një civil, pasi policia kishte shtënë kundër amerikanëve gjatë një operacioni.

Ushtria amerikane tha se vrasjet ishin pasojë e "rastit tragjik të indentitetit të gabuar".

Sipas ushtrisë së Shteteve të Bashkuara, policia ka shtënë kundër forcave amerikane, pasi ato ishin përleshur dhe kishin vrarë një militant të armatosur afër stacionit të policisë në qytetin Qalat të provincës Zabul.

Zyrtarët e Shteteve të Bashkuara dhe ata të Afganistanit po zhvillojnë hetime lidhur me këtë rast.