SHBA pezullon ndihmën në energji për Korenë e Veriut

Shtetet e Bashkuara thanë se ndihma në energji për Korenë e Veriut është pezulluar.

Zëdhënësi i Departamentit të Shtetit tha se me këtë hap janë pajtuar të 5 vendet e përfshira në bisedimet me Korenë Veriore, Japonia, Rusia, Kina, Shtetet e Bashkuara dhe Koreja e Jugut.

Sean McCormack tha se duhet të bëhet progres për "protokollin verifikues" rreth zotimeve të Koresë së Veriut për ta mbyllur programin e saj bërthamor.