Kabul: Brown premtoi mbështetje për Afganistanin

Kryeministri britanik, Gordon Brown, premtoi sot se do të vazhdoj mbështetja e Britanisë për Afganistanin. Këto komente ai i bëri pas takimit me presidentin afgan, Hamid Karzai, në Kabul.

Zori Brown premtoi afro 10 milionë dollarë për të siguruar se zgjedhjet e vitit të ardhshëm në Afganistan do të jenë "të lira dhe korrekte".

Gjatë një konference për shtyp, kryeministri britanik sugjeroi se vendi i tij mund të dërgoj më tepër trupa në Afganistan, gjatë vitit të ardhshëm.

Gjatë kësaj vizite të paparalajmëruar, zoti Brown i ka falënderuar ushtarët e Britanisë për shërbimin e tyre në Afganistan. Ai ishte edhe në provincën jugore Helmand, ku dje janë vrarë katër ushtarë britanikë.