SHBA, Kanada: 11 viktima nga moti i lig

Të paktën 11 vetë e kanë humbur jetën nga moti i lig, i cili gjatë festave të Krishtlindjeve ka kapluar Shtetet e Bashkuara dhe Kanadanë.

Shërbimet meteorologjike kanë njoftuar se pjesa veriperëndimore e SHBA-ve përsëri mund të përfshihet nga stuhia e borës, e cila në disa vende ka arritur trashësi mbi 20 cm, ndërsa në pjesët malore mbi 60 cm.

Meteorologët paralajmëruan se gjatë festave, Kanadaja do të ketë borë që nuk ka pasur që nga vitit 1971.