Rusia do të ketë bazë në Abkhazi

Një zyrtar i Abkhazisë, në Gjeorgji, tha sot se qeveria e këtij rajoni separatist pret që brenda disa muajve ta nënshkruaj një marrëveshje, që Rusisë do t'i mundësoj ngritjen e një baze detare dhe ajrore në territorin e Abkhazisë.

Një zëdhënës i liderit, Sergei Bagapsh, tha se bisedimet për këtë çështje janë në zhvillim e sipër.

Këto komente u bënë një ditë pasi zëdhënësi i NATO-s, James Apathurai, tha se aleanca i kundërshton planet e raportuara të Moskës, që në Abkhazi dhe në Osetinë Jugore, të ndërtoj baza ushtarake.