Në SHBA është shpallur gjendje e krizës shëndetësore, për shkak të shfaqjes së gripit të derrit, ka thënë Sekretarja amerikane për Siguri të Brendshme, Xhenet Napolitano. Ajo ka paralajmëruar se shtetet federale do të furnizohen me sasi të caktuara të terapisë kundër virusale nga rezervat strategjike. Gjatë konferencës për gazetarë në Shtëpinë e Bardhë, Napoltinao ka thënë se në SHBA janë regjistruar 20 raste të gripit të derrave, ndërsa vetëm një person është duke u trajtuar në spital.
