Saberi kthehet në SHBA

Gazetarja iraniano-amerikane, Roksana Saberi, është duke u kthyer në Uashington pas katër muajve të cilat i kaloi në një burg në Iran.

Saberi sot la Vjenën ku ajo kishte qëndruar për një javë pas lirimit të saj. Gazetarja 32 vjeçare, e cila u vendos në Iran gjashtë vite më parë, u arrestua në fund të janarit me akuzat për spiunazhë dhe u dënua gjatë një gjykimi të mbyllur.

Ajo u lirua nga burgu Evin në Teheran më 11 maj, pas vendimit të një gjykate për reduktimin e dënimit të saj me burg prej 8 vitesh në një dënim të pezulluar dy-vjeçar.