Selektori i kombëtares së Argjentinës, Diego Maradona, vlerësoi se ekipi i tij futbollistik do ta ketë më vështirë të sigurojë plasmanin në Botërorin 2010 pas humbjes nga Brazili në kualifikime.
Maradona konfirmoi se do të mbetet në krye të argjentinasve. Ai tha se humbja nga brazilianët nuk do ta “thyejë”, por do ta motivojë që të punojë palodhshëm për ta çuar Argjentinën në kampionatin në Afrikën e Jugut.
Mbrëmë Brazili e mundi Argjentinën 3:1, dhe për të 19-ën herë me radhë u kualifikua në finalet e botërorit.
