Qeveria mori mbrëmë votëbesimin e Kuvendit, me 74 vota për dhe vetëm një kundër, nga Partia Bashkimi për të Drejtat e Njeriut, si e vetmja forcë opozitare në Kuvend.
Siç ishte parashikuar, deputetët e grupit të Partisë Socialiste, nuk morën pjesë në seancë, ku krahas përbërjes së kabinetit u votua dhe programi i ri qeverisës.
Prezantimin e programit qeverisës kryeministri Sali Berisha e shoqëroi dhe me thirrjen drejtuar opozitës për të hequr dorë nga bojkoti.
Berisha garantoi gjithashtu për bashkëpunim për të gjitha reformat e rëndësishme që i nevojiten vendit.
