Zyrtarët e kundërzbulimit pakistanez thanë se një aeroplan amerikan pa pilot ka shkrepur dy raketa në një strehimore të militantëve në veriperëndim të Pakistanit, duke vrarë 12 militantë.
Sulmi ka ndodhur mbrëmë në një fshat në afërsi të qytetit Mir Ali në një rajon fisnor të Vaziristanit Verior.
Besohet se shënjestër e sulmit ka qenë grupi taliban i prirë nga ish luftëtari kundër rezistencës sovjetike Xhalaludin Hakkani, njerëzit e të cilit kryejnë sulme ndërkufitare kundër trupave perëndimore në Afganistan.
