Presidenti amerikan Barak Obama do të udhëtojë drejt Danimarkës për të mbështetur kandidaturën e Çikagos për Lojërat Olimpike të vitit 2016.
Obama do të flasë të premten në sesionin e Komitetit Olimpik Ndërkombëtar, çfarë shënon herën e parë që një president amerikan në detyrë merr pjesë në një takim të tillë.
Çikago po konkuron me Madridin, Rio De Zhanieron dhe Tokion për lojërat e vitit 2016. Në takimin e së premtes pritet të marrin pjesë dhe mbreti i Spanjës, presidenti i Brazilit dhe kryeministri i Japonisë.
