Ndërlidhjet

Gjenevë: Fuqitë botërore takohen me Iranin



Irani sot takohet me përfaqësuesit e gjashtë fuqive botërore, të cilat kërkojnë që ky vend t’i ndalë aktivitetet e ndejshme atomike.

Në takimin, që mbahet në Gjenevë të Zvicrës, do të jenë përfaqësuesit e Shteteve të Bashkuara, Rusisë, Kinës, Britanisë, Francës dhe Gjermanisë.

Para takimit Irani ka thënë se nuk ka për qëllim që me gjashtë fuqitë botërore të diskutoj për programin e tij bërthamor, përfshirë edhe pasurimin e uraniumit, pasi konsideron se e drejta e Iranit për fuqi atomike paqësore nuk është e hapur për debat.

Shtetet e Bashkuara dhe aleatët e saj kanë tërhequr vërejtjen se Irani mund të ballfaqohet me rundin e katërt të sanksioneve të OKB-së, nëse dështon të angazhohet në disktime konstruktive dhe të pajtohet me masat për të dëshmuar se programi i tij bërthamor është vetëm për nevoja paqësore e jo për prodhimin e bombës atomike.
XS
SM
MD
LG