“Nuk ka ndonjë afat për tërheqjen e UNMIK-ut nga Kosova. Ne vazhdojmë të kemi mandat nga Këshilli i Sigurimit”, ka deklaruar Sekretari i Përgjithshëm i OKB-së Ban Ki Moon për mediat serbe.
“UNMIK-u ka vazhduar të punojë ngushtë me palët e pranishme në terren. Jam i kënaqur që BE-ja, përmes EULEX-it i ka marrë të gjitha përgjegjësitë. Kemi ende shqetësime, veçanërisht për gjendjen e stabilitetit në veri”, tha Ban .
Lidhur me punën e Gjykatës Ndërkombëtarë për ish Jugosllavinë Ban ka shtuar se po sheh mundësinë e përmbylljes së aktivitetit të Gjykatës deri në vitin 2013. Më tej Ban shton se duhen përgatitur mekanizma mbështetës nëse Mlladiç e Haxhiç nuk do të jenë arrestuar deri atëherë.
