SHBA: Ndihmë për zhvillim të vendeve myslimane

Shtëpia e Bardhë ka shpallur krijimin e një fondi të ri prej disa miliona dollarësh, që ka për qëllim mbështetjen e zhvillimit teknologjik në vendet me popullatë shumicë myslimane.

Krijimin e këtij fondi e kishte premtuar presidenti Barak Obama, në fjalimin e tij në Kajro më 4 qershor, me ç’rast pat thënë se investimet e vogla në arsim dhe inovacione ishin dukuri e zakonshme në pjesën më të madhe të vendeve me popullatë shumicë myslimane.