Filloi sot gjykimi ndaj ish udhëheqësit të serbëve të Bosnjës, Radovan Karaxhiq. Karaxhiq përballet me 11 akuza, përfshi dhe akuzat për gjenocid dhe krime kundër njerëzimit gjatë luftës në Bosnjë-Hercegovinë.
Karaxhiq nuk po merr pjesë në gjykim me justifikimin se nuk ka pasur kohë për tu përgatitur për mbrojtjen.
"Prania e të akuzuarit në sallën e gjyqit është e nevojshme për fillimin e gjykimit, pasi ai do të vetmbrohet. Refuzimi i tij bllokon fillimin e gjykimit. Gjykata do të detyrojë emërimin e një këshiltari mbrojtje në mënyrë që të parandalohet pengimi i procedurave”, tha një nga prokurorët e rastit.
Kryetari i trupit gjykues, O Guon Kuon e ka shtyrë gjykimin deri të martën, ku pritet që prokuroria të bëjë paraqitjen e rastit.
Kryeprokurori i Gjykatës së Hagës për ish Jugosllavinë, Serzh Bramerz nuk i pranoi pretendimet e Kraxhiqit, duke nënvizuar se prokuroria është gati për gjyqin.
Karaxhiqi u arrestua vitin e kaluar në Beograd pas 13 vitesh në arrati.
Përdorimi i përmbajtjes sonë
⚠️ Përmbajtja e ueb-faqes dhe/apo platformave të tjera digjitale të Radios Evropa e Lirë mbrohet nga ligjet amerikane dhe ndërkombëtare për të drejtën e autorit.
Mirëpresim ripërdorimin, ripublikimin dhe rishpërndarjen e përmbajtjes sonë, të publikuar në platformat tona digjitale, me kusht që të na citoni drejt si "Radio Evropa e Lirë", bashkë me linkun që çon te përmbajtja jonë origjinale.
