Presidenti afgan Hamid Karzai e ka shënuar Kurban Bajramin me ftesën drejtuar talibanëve dhe kryengritësve tjerë që t’u bashkangjiten bisedimeve paqësore.
Në mesazhin e tij, Karzai tha se “të gjithë ata që i rrokën armët kundër vendit të tyre duhet t’i ulin armët dhe të marrin pjesë në rindërtimin e vendit”.
Në fillim të javës, kreu i talibanëve Mulla Omar përsëri i refuzoi bisedimet paqësore.
Omar tha se populli i Afganistanit nuk do të dakordohet me kurrfarë negociatash, të cilat do ta zgjatnin praninë e trupave të huaja në vend.