Kinë: Monedha do të mbetet stabile

Kryeministri i Kinës, Ven Jiabao, thotë se vlera e monedhës së këtij vendi, juan, do të mbahet në nivel stabil dhe të balancuar.

Këto komente ai i bëri pas kërkesës së liderëve të Bashkimit Evropian, që Kina të lëvizë më shpejtë në dobësimin e kontrollit, në mënyrë që juani të mos jetë i ndërlidhur me dollarin e Shteteve të Bashkuara, i cili po dobësohet.

Kryeministri Ven i cilësoi si “jokorrekte” këto kërkesa dhe akuzoi kritikët e politikës monetare të Kinës se po praktikojnë “proteksionizëm tregtar kundër vendeve në zhvillim”.