Shtetet e Bashkuara kanë shpenzuar më shumë se 23 miliardë dollarë në kontratat për rindërtimin dhe zhvillimin e Afganistanit që nga viti 2002.
Rreth 1 miliardë dollarë nga kjo shumë është shpërdoruar, thuhet në një memorandum të përgatitur nga ekipi i senatores demokrate, Kler MekKaskill.
Kontrolli i brendshëm ka arritur në përfundimin se 1 miliardë dollarë nga fondet e dhëna ishin të paarsyeshme ose nuk ishin të shoqëruara me dokumentacionin e nevojshëm.
