Reporterët pa Kufijë kanë akuzuar qeverinë iraniane se ka kryer “krime kundër njerëzimit” pasi ka persekutuar gazetarët.
Grupi që merret me të drejtat e gazetarëve, përmes një deklarate, dënon atë që e quan “arrestime arbitrare në vazhdimësi dhe paraburgime të paligjshme të gazetarëve”. Shumica e tyre, sipas të njëjtave burime mbahen në fshehtësi për periudha të gjata kohore.
“Paraburgimet e fshehta mund të shihen si zhdukje të detyruara dhe krime kundër njerëzimit”, duke përbërë shkelje të ligjit ndërkombëtar, thotë Reporterët pa Kufijë.
