India ka ofruar t’i vazhdojë bisedimet dypalëshe me Pakistanin, që janë pezulluar më shumë se një vit.
India dhe Pakistani i filluan bisedimet për zgjidhjen e mosmarrëveshjeve rreth Kashmirit dhe çështjeve tjera në 2004, por negociatat u ndërprenë pas sulmeve në Mumbai në nëntor, 2008, për të cilat India e akuzoi grupin militant me seli në Pakistan.
Pakistani konfirmoi kërkesën e Indisë, por tha se duhet të qartësohet përmbajtja e bisedimeve.
India tha se dëshiron të diskutojë “terrorizmin” dhe çështje tjera me rëndësi për sigurinë ndërmjet dy rivalëve bërthamorë.
