Autoritetet në Shtetet e Bashkuara shpallën masa të reja sigurie për kontrollin e udhëtarëve që fluturojnë në Amerikë për kërcënime të mundshme terroriste.
Sekretarja e Departamentit për Sigurinë e Atdheut, Xhenet Napolitano, tha se masat parashohin kontrolle sigurie për skanimin e udhëtarëve.
Sipas masave të reja, një person mund të ndalohet dhe t’u nënshtrohet masave shtesë të skanimit nëse ai ose ajo përputhen me përshkrimin e ndonjë sulmuesi të mundshëm, të dhënë nga zyrtarët e kundërzbulimit.
Masat e reja e zëvendësojnë skanimin e detyrueshëm të të gjithë udhëtarëve që vinin në SHBA nga 14 vende të ndryshme të botës.