Autoritetet irakiane thanë se një sulmues vetëvrasës ka hedhur sot veten në erë në mes të turrmës së njerëzve që ndiqnin një ndeshje futbolli në Irakun Verior, duke shkaktuar vdekjen e të paktën 10 njerëzve.
Dhjetra të tjerë janë plagosur nga shpërthimi në stadiumin në qytetin Tal Afar, rreth 60 km në Perëndim të Mosulit.
Askush ende nuk e ka marrë përgjegjësinë për sulmin, por Al Kaida në Irak premtoi një fushatë të dhunës në ditët që vijnë.
